Upcoming Events
  •  ()
Facebook Twitter


பாரதிதாசன் பல்கலைக்கழக ஆடவர் மற்றும் மகளிர் கிராஸ் கண்ட்ரி (Cross Country) போட்டிகள் புதுக்கோட்டை பழைய பேருந்து நிலைய வளாகத்தில் காலை 6.00 மணிக்கு தொடங்கியது. 10 கி.மீ. தூரம் கடக்க வேண்டிய இப்போட்டியில் பாரதிதாசன் பல்கலைக்கழக ஆளுமைக்கு உட்பட்ட 25-த்திற்கும் மேற்பட்ட கல்லூரி அணியினர் திருச்சி, தஞ்சாவூர், பெரம்பலூர், மயிலாடுதுறை, நாகப்பட்டிணம், பொறையாறு, கரூர் போன்ற இடங்களிலுள்ள 200-க்கும் மேற்பட்ட கல்லூரி மாணவ, மாணவியர் கலந்து கொண்டனர். இப்போட்டியில் பெண்கள் பிரிவில் ஒட்டுமொத்த சாம்பியன் பட்டத்தை புதுகை மாமன்னர் கல்லூரி அணியினரும் இரண்டாமிடத்தையும் புதுக்கோட்டை ஜெ.ஜெ. கலை அறிவியல் கல்லூரி அணியினரும் மூன்றாமிடத்தை கும்பகோணம் அரசு மகளிர் கல்லூரியும் நான்காமிடத்தை தர்மபுரம் ஞானாம்பிகை கல்லூரி அணியினரும் பிடித்தனர். இதேபோல் ஆண்கள் பிரிவில் திருச்சி புனித வளனார் கல்லூரி அணியினர் முதலிடத்தையும் புதுகை மாமன்னர் கல்லூரி இரண்டாமிடத்தையும் பூண்டி ஏ.வி.வி.எம்.புஷ்பம் கல்லூரி அணியினர் மூன்றாமிடத்தையும் திருச்சி பிஷப் ஹீபர் கல்லூரி நான்காமிடத்தையும் பிடித்தனர். பின்னர் ஜெ.ஜெ.கல்லூரியில் பரிசளிப்பு விழாவில் திருமயம் சட்டமன்ற உறுப்பினரும் கற்பக விநாயக கல்வி அறக்கட்டளையின் நிறுவனருமான S.ரகுபதி அவர்கள் மற்றும் பாரதிதாசன் பல்கலைக்கழக உடற்கல்வித்துறைத் தலைவர் முனைவர் A.பழனிசாமியும் கலந்துகொண்டு வெற்றிப்பெற்றவர்களுக்கு பரிசளித்து வாழ்த்து தெரிவித்தனர். இப்போட்டியில் முதல் ஆறு இடங்களைபெறும் போட்டியாளர்கள் அகில இந்திய பல்கலைக்கழகங்களுக்கு இடையேயான கிராஸ் கண்ட்ரி போட்டியில் பங்குபெற தகுதிபெறுவர் என்பது குறிப்பிடத்தக்கது. முன்னதாக கல்லூரி முதல்வர் முனைவர் ஜ.பரசுராமன் அனைவரையும் வரவேற்றார். இப்போட்டிக்கான ஏற்பாட்டினை உடற்கல்வித்துறைத் தலைவர் முனைவர் K.ஜெகதீஸ் பாபு மற்றும் உதவிப் பேராசிரியர் திரு. M.காளிதாசன், முனைவர் D.ராமன், U.செல்லபாண்டி மற்றும் பன்னீர்செல்வம் ஆகியோர் செய்திருந்தனர்.